Home

Islami

   Kur'an

   Hadith

   Ramazan

   Falja/Namazi

   Haxhi

Vajza Muslimane

Familja
Edukimi i Femijeve

Faqa e Femijeve

Shkence

Shendeti

Kuzhina

Arti Islam

Lirika

Kendi i Librit

Links

Kuiz
Fjalori i Faqes

Per Burimi.net

Kontakto Burimin

Ne Emer te Allahut, Meshiruesit, Meshireberesit

Aishja radiall-llahu anha ka thënë: "Ishte I Dërguari I All-llahut salall-llahu alejhi we selem I cili agjëronte derisa mendonim se nuk do ta prishte, e nuk agjëronte derisa mendonim se nuk do të agjërojë më, nuk e kam parë Resulallahun të ketë agjëruar asnjë muaj të plotë vetëm se Ramazanin e nuk e kam parë të agjërojë më shumë se sa në Shaban". (Trasmetoi: Bukhari/1833, dhe Muslimi/1956).

 E kanë sqaruar disa dijetarë njëri prej tyre Ibn Mubarek e të tjerë se: Pejgamberi salall-llahu alejhi we selem nuk e ka agjëruar muajin Shaban të plotë por më të shumtin e tij. Gjendet gjithashtu në sahihun e Muslimit me nr.(1954) se Aishja radial-llahu anha ka thënë: "Nuk di prej tij- (pra prej pejgamberit salall-llahu alejhi we selem)- të ketë agjëruar ndonjë muaj të plotë përvec Ramazanin]. Gjithashtu në dy librat e saktë (Buhariut dhe Muslimit) nga Ibn Abasi ka thënë: Nuk ka agjëruar pejgamberi salall-llahu alejhi we selem asnjë muaj të plotë përvec Ramazanit. (Bukhari/1971; Muslimi/1157).

 Nga Usama bin Zejd radial-llahu anhu ka thënë: I thashë- O I dërguari I All-llahut nuk të kam parë të agjërosh në ndonjë muaj sikur agjëron në Shaban, më tha: "Ky është një muaj ndaj të cilit njerëzit tregohen neglizhente, ndërmjet Rexhebit dhe Ramazanit, e ky është muaj në të cilin ngrihen punët tek Zoti i botërave, e unë dua që të ngrihen punët e mia e unë agjërueshëm". (Transmetoi Nesai në librin el-tergib we terhib, fq.425).

Ndërsa në një trasetim të Ebu Daudit me numer (2076) ka thënë: [Ishte më I dashur muaj tek Resulall-llahu salall-llahu alejhi we selem që të agjëronte muaji Shaban, të cilin e pasonte me Ramazanin] ( e ka saktësuar Albani).

Ka thënë Ibn Rexheb All-llahu e mëshiroftë: Agjërimi I muajit Shaban është më I mirë se agjërimi I muajve të shenjtë, dhe se më I miri agjërim nafile është cka është afër Ramazanit para ose mbrapa tij. (Ky agjërim është I pëlqyer për shkak të pregatitjes së trupit per kryerjen e agjërimit farz, dhe pas tij për ti plotësuar mangësitë e bëra në Ramazan).

E thënia e tij s.a.w.s.[Ky është një muaj ndaj të cilit njerëzit e kane neglizhuar, ndërmjet Rexhebit dhe Ramazanit], na tregon se në këtë hadith janë pëmendur dy muaj të rëndësishëm- muaji I shenjtë dhe muaji I Agjërimit- e njerëzit janë të zënë me këta dy ndaj tij, kështu që nuk I kanë dhënë rëndësinë e duhur. Shumë prej njerëzve mendojnë se agjërimi në muajin Rexheb është më I mirë se agjërimi në muajin Shaban, sepse muaji Rexheb është muaj I shenjtë, e kjo nuk është e vërtetë. E në hadithin e lartpërmëndur na tregohet se ndodh që të bëhet e njohur një periudhë kohe e caktuar, apo ndonjë vend I vecantë, apo ndonjë person porse mund të jetë dikush tjetër jo shume I njohur  më I mirë se ai.

Në ngjalljen e një kohe të neglizhuar ka disa dobi, e nga këto:

Bëhet kjo punë e fshehtë, e kryerja e nafileve në fshehtësi e vazhdimisht është më mirë, e agjërimi është edhe më mirë sepse ai është sekret ndërmjet njeriut dhe Zotit të tij. Prandaj thuhet se Agjërimi nuk ka dyfytyrësi. Kanë qënë disa prej të parëve tanë të mirë agjëronin me vite e askush nuk e dinte. Dilte nga shtëpia e tij për në treg me dy feta buke të cilat I jepte sadaka e vazhdonte agjërimin. Mendonin njerëzit e shtëpisë se I hëngri e mendonin shokët e tij se ka ngrënë në shtëpi.

-Gjithashtu kryerja e punëve të mira në kohët e neglizhuara është më e vështirë për nefsin, sepse nëse në ndonjë punë ka shumë zbatues ajo bëhet më e lehtë, e nëse neglizhohet atëherë bëhet e vështirë për ata që janë zgjuar.

 Për agjërimin e Resulall-llahut salall-llahu alejhi we selem në muajin Shaban dijetarët janë ndarë në disa thënie:

1-Ndodhte që gjatë vitit të mos i agjëronte tre ditët në mes të muajit për ndonjë shkak ose ishte në udhëtim ose për ndonjë shkak tjetër, I mblidhte e I agjëronte ato në këtë muaj. Ishte Pejgamberi salall-llahu alejhi we selem I cili nëse e kryente ndonjë nafile vazhdimisht e kur nuk mundej e shlyente atë më vonë.

2- Thuhet gjithashtu se gratë e Pejgamberit  salall-llahu alejhi we selem e shlyenin borxhin e tyre të lënë nga ramazani në Shaban prandaj edhe ai agjëronte për ti shoqëruar gratë e tij në agjërim. Ndërsa kjo pikë është në kundërshtim me hadithin e Aishes radiall-llahu anha e cila ka thënë se ajo e vononte borxhin e saj nga Ramazani  për në muajin Shaban për shkak të zënies së Resulall-llahut me agjërim.

3-Thuhet se ky është një muaj I neglizhuar nga njerëzit: kjo është thënia më e saktë e kjo duke e argumentuar me hadithin e Usame të lartpërmëndur ku thuhet: [..ky është një muaj I neglizhuar nga njerëzit  ndërmjet Rexhebit dhe Ramazanit. (trans. Nesai).

Gjithashtu nga dobitë e agjërimit në muajin Shaban është, stërvitja e trupit me agjërim para se të futet Ramazani, në mënyrë që në agjërimin e Ramazanit mos të ndjesh vështirësi e lodhje. Meqënëse muaji Shaban është hyrje e muajit Ramazan atëherë edhe në këtë muaj kryhen disa vepra të mira nga ato që kryhen në Ramazan si psh,leximi i Kuranit, sadakaja etj. Ka thënë Seleme bin Suhejl-thuhej: Muaji I shabanit muaji I lexuesve. Ndërsa Habib bin ebi Thabit nëse futej muaji I Shabanit thoshte ky është muaji I lexuesve. Gjithashtu edhe Amru bin Kajs el-Mulai me futjen e muajit Shaban e mbyllte punën e tij dhe I kushtohej leximit të Kuranit.

 Agjërimi në fund të muajit Shaban  

 Eshte saktesuar në dy librat e saktë nga Omran bin Hasin radial-llahu anhu se: Pejgamberi salall-llahu alejhi we selem I ka thënë një burri: [A agjërove nga ditët e fundit të këtij muaji gjë? I tha- jo- I tha: nëse agjëron prishe dy ditë].

Agjërimi I ditëve të fundit të muajit shaban nuk është I pëlqyer. E kjo ka disa gjendje:

E para: të agjërohet me nijetin e Ramazanit duke dyshuar se mos është futur muaji I ramazanit, kjo është e ndaluar.

E dyta: të agjërosh me nijetin e premtimit, shlyerjes së borxhit të Ramazanit apo shlyerjes së kefares apo dicka e ngjashme me këto, e këtë e kanë lejuar të gjithë dijetarët.

E treta: Të agjërosh me nijetin nafile edhe kjo nuk është e pëlqyer por, nëse dikush I agjëron të hënën e të enjten e të gjithë vitit atëherë nuk ka problem por me kusht që ta ndajë agjërimin nafile nga agjërimi farz me një ose dy ditë.

Nëse dikush pyet se pse nuk lejohet agjërimi përpara ramazanit?  I themi se:

Së pari: Në mënyrë që ditët e agjërimit farz as të mos shtohen e as të mos pakësohen, sikurse edhe agjërimi I Bajramit apo dita e dyshimit (e kjo është dita kur nuk jemi të sigurtë për futjen e muajit ramazan) është I ndaluar për këtë sebeb. Duke iu shmangur asaj që ranë në të ithtarët e librit (të krishterët) të cilët e shtuan agjërimin e tyre sipas mendimit dhe dëshirave të tyre.

Së dyti: Ndarja ndërmjet agjërimit nafile e atij të obliguarit, se puna nafile e puna e obliguar duhet të ndahet. Për këtë e ka ndaluar Pejgamberi salall-llahu alejhi we selem vazhdimin e namazit farz me nafile pa e ndarë ose me selam ose me fjalë.